U Polščy mocna pjany biełarus źjechaŭ na fury ŭ kiuviet
Niedaloka ad polskaha horada Siedlcy mocna pjany 42-hadovy biełarus trapiŭ na hruzaviku ŭ kiuviet. Pra heta paviedamlaje miascovaja palicyja. Incydent adbyŭsia ranicaj 5 krasavika ŭ nasielenym punkcie Ujžanaŭ.
Pravaachoŭnikam pastupiła paviedamleńnie ab avaryi z udziełam fury. Vyjechaŭšy na miesca, jany ŭbačyli ciahač z paŭpryčepam, jaki piaredniaj častkaj znachodziŭsia ŭ kiuviecie, a zadniaj pierakryvaŭ darohu.
Kiroŭcu pravieryli na ałkahol, test pakazaŭ značeńnie až 3,3 pramile. U vyniku biełarusa zatrymali da praćvieražeńnia i atrymańnia tłumačeńniaŭ. Taksama ŭ jaho kanfiskavali pravy.
Mužčynu daviadziecca adkazvać za kiravańnie ŭ niećviarozym stanie. Za heta jamu moža pahražać da dvuch hadoŭ pazbaŭleńnia voli.