Polšča admianiła etap Kubka śvietu pa fiechtavańni z-za dopusku spartsmienaŭ Biełarusi i Rasii
Fiederacyja fiechtavańnia Polščy admianiła etap Kubka śvietu praz rašeńnie dapuścić da spabornictvaŭ spartsmienak ź Biełarusi i RF. Etap Kubka śvietu pa žanočaj rapiry byŭ zapłanavany na 21—23 krasavika ŭ Poznani.
Pryčynaj nazvana rašeńnie Mižnarodnaj fiederacyi fiechtavańnia dapuścić rasijskich i biełaruskich spartsmienaŭ da mižnarodnych turniraŭ, paviedamlaje «Pozirk».
«Fiederacyja fiechtavańnia Polščy salidarnaja z ukrainskaj fiederacyjaj fiechtavańnia ŭ jaje namahańniach pa adchileńni ad spabornictvaŭ <…> ludziej, jakija padtrymlivajuć žorstkuju vajnu i režym Uładzimira Pucina», — havorycca ŭ zajavie.
10 sakavika Mižnarodnaja fiederacyja fiechtavańnia dazvoliła biełaruskim i rasijskim spartsmienam udzielničać u spabornictvach pad svajoj ehidaj u niejtralnym statusie.
16 sakavika etap Kubka śvietu pa žanočaj rapiry admoviłasia pravodzić Fiederacyja fiechtavańnia Hiermanii.