Ratavalniki pracujuć nad umacavańniem bieraha kala dačnych pasiołkaŭ pad Viciebskam FOTY
Rašeńniem Viciebskaj rajonnaj kamisii pa nadzvyčajnych situacyjach abvalvańnie bierahavoj linii kala dačnych pasiołkaŭ pad Viciebskam pryznana nadzvyčajnaj situacyjaj pryrodnaha charaktaru. Nadzvyčajnaje zdareńnie zafiksavana niepadalok ad dačnych tavarystvaŭ «Łužasna-1» i «Łužasna-2» kala vioski Barvin.
Vada Dźviny padmyła bierah amal na 20 mietraŭ.
Na miescy padziej, u rajonie Łužasny, siońnia pabyvaŭ pieršy namieśnik ministra nadzvyčajnych situacyj Alaksandr Chudalejeŭ. Jon adznačyŭ, što ratavalnikami i inšymi zacikaŭlenymi słužbami prymajucca ŭsie nieabchodnyja miery pa abaronie nasielnictva.
Dla likvidacyi prablemy ŭ Viciebskim rajonie zadziejničana kala 17 adzinak techniki, pad kiraŭnictvam staršyni miascovaha rajvykankama pracuje rajonnaja kamisija pa nadzvyčajnych situacyjach.
U hety momant, jak śćviardžajecca, pahrozy abvalvańnia žyłych budynkaŭ užo niama. Raboty pradoŭžacca da adnaŭleńnia darohi i stvareńnia biaśpiečnych umoŭ dla pražyvańnia.
Čytajcie taksama:
U Homieli Sož vyjšaŭ ź bierahoŭ i zatapiŭ nabiarežnuju
Na Homielščynie ŭzrovień vady ŭ rekach raście treci dzień FOTA