70-hadovaha piensijaniera-«terarysta» buduć sudzić čaćviorty raz
U sudzie Savieckaha rajona Homiela 20 krasavika pačnuć razhladać čarhovuju spravu piensijaniera. Jamu inkryminujuć art. 369 KK (abraza pradstaŭnika ŭłady) i art. 391 KK (abraza sudździ). Praces budzie vieści sudździa Alaksandr Mocharaŭ, paviedamlaje «Viasna».
Raniej Dziemidoviča asudzili da šaści hadoŭ pazbaŭleńnia voli, abvinavaciŭšy jaho ŭ abrazach pradstaŭnika ŭłady, sudździ, Łukašenki i arhanizacyi masavych biesparadkaŭ. Paźniej Vasilu dadali jašče paŭhoda źniavoleńnia pa novaj spravie. 23 sakavika ŭ sudzie Drahičynskaha rajona nad im adbyŭsia treci sud, ale vynik nieviadomy.
U kancy červienia KDB unios Vasila ŭ «terarystyčny śpis». Praz heta jamu nielha rabić hrašovyja pieravody, a padtrymlivać Vasila niama kamu.
15 krasavika Vasil adznačyć Dzień naradžeńnia. Tamu pravabaroncy zaklikajuć dasyłać jamu pasyłki z prysmakami i «miedycynskija banderoli».
Padtrymajcie Vasila: SIZA-3. 246003, Homiel, Knižnaja, 1A, Vasil Ivanavič Dziemidovič.