U Šumilinie trapiŭ pad ciahnik piensijanier na rovary
Piensijanier byŭ śmiarotna traŭmavany ciahnikom u Šumilinie, paviedamili ŭ Śledčym kamitecie. Trahiedyja adbyłasia siońnia ranicaj.
Skrynšot ź videa
«Na stancyi Šumilina 66-hadovy mužčyna z rovaram pierachodziŭ čyhunačnyja šlachi pa piešachodnym pierachodzie pierad «dyzielem», jaki ruchaŭsia. Niahledziačy na miery, što prymalisia mašynistam, sutyknieńnia paźbiehnuć nie ŭdałosia», — havorycca ŭ paviedamleńni ŭ telehram-kanale SK.
Ciahnik, pavodle papiaredniaj infarmacyi, najechaŭ na zadniaje koła rovara. U vyniku piensijaniera adkinuła na 12 mietraŭ i jon pamior ad atrymanych traŭmaŭ.
«Ustanoŭlena, što zahinuły mieŭ prablemy sa słycham: padčas ahladu znojdzieny słychavy aparat», — adznačyli ŭ Śledčym kamitecie.
Čytajcie taksama:
Letaś na čyhuncy zahinuła 60 čałaviek