Finlandyja pačała padrychtoŭku da budaŭnictva płota na miažy z Rasijaj
Kiraŭnictva Finlandyi pryjšło da vysnovy, što biez płota na miažy z Rasijaj jamu nie abyścisia, pakolki najaŭnaść hetaj pieraškody paspryjaje baraćbie ź nielehalnaj mihracyjaj i pavysić biaśpieku krainy. Uźviadzieńnie pieršaha ŭčastka pačniecca zusim chutka.
Ahulnaja daŭžynia płota, pa płanach finskich inžynieraŭ, składzie dźvieście kiłamietraŭ, a zaviaršyć raboty płanujuć da 2026 hoda. Vyšynia aharodžy składzie try mietry, a źvierchu budzie naciahnuty kalučy drot.
Płot zabiaśpiečać načnym režymam videanazirańnia, pražektarami i dynamikami na tych učastkach, dzie paličać heta asabliva važnym. Zatym finy ŭźviaduć amal 75 kiłamietraŭ pahraničnych aharodžaŭ i KPP.
4 krasavika Finlandyja aficyjna stała členam NATA. Dahetul kraina z časoŭ zakančeńnia Druhoj suśvietnaj vajny paśladoŭna trymałasia palityki niejtralitetu i choć u 1995 hodzie stała siabroŭkaj Jeŭrasajuza, ad uvachodžańnia ŭ vajenna-palityčnyja błoki ŭstrymlivałasia, choć i mieła vielmi mocnuju armiju. Adnak ahresiŭnaja palityka Kramla i napad pucinskaj Rasii na Ukrainu ŭ minułym hodzie ŭsio radykalna pamianiali.
Čytajcie taksama:
Finlandyja ŭ NATA: voś čamu heta źmianiaje bałans siłaŭ i vakoł Biełarusi
«Čamu finskija dzieci śpiać u kardonnych skrynkach?» Niezvyčajnaja ideja ź Finlandyi