Łukašenka ŭziaŭ na pieramovy ź Juščankam syna Kolu z šablaj
dadałosia fota
Ukrainskija ŚMI pišuć pra padrabiaznaści vizitu biełaruskaha kiraŭnika va Ukrainu.
Va Ukrainu Łukašenka prylataŭ z 5-hadovym Mikałajem. Jak zafiksavali fatohrafy, jon siadzieŭ pobač z baćkam jak najvažniejšy člen biełaruskaj delehacyi. Nasuprać jaho z ukrainskaha boku znachodziłasia kiraŭnica Sakrataryjatu prezidenta (anałah biełaruskaj Administracyi), i tolki dalej — vice-premjer Siamaška i ministry zamiežnych spraŭ dźviuch krainaŭ.
Ukrainskija ŚMI pišuć pra padrabiaznaści vizitu biełaruskaha kiraŭnika va Ukrainu. Jak piša Gazeta.ua, 6 listapada Prykarpaćcie naviedali kiraŭniki Ukrainy i Biełarusi. Alaksandr Łukašenka pryvioz humanitarnuju dapamohu: maski, supraćvirusnyja preparaty. Jon prylacieŭ z 5‑hadovym Mikałajem.
Ranicaj Ivana‑Frankoŭski aeraport patrulavali supracoŭniki Słužby biaśpieki, kožnyja 15 chvilin abjazdžali terytoryju ŭ radyusie kiłamietra. Pieršym pryziamliŭsia samalot Juščanki.
«Nu jak vy tut? Jak zdaroŭje? Usie žyvyja?» ‑‑ spytaŭ prezident Ukrainy žurnalistaŭ. Nie dačakaŭšysia adkazu, sieŭ za stoł. Pobač ź im hubiernatar Nikałaj Palijčuk, 37 hadoŭ, i haradski staršynia Ivana‑Frankoŭska Viktar Anuškievičus, 46 hadoŭ.
«Pa ŭsich abłaściach Zachodniaj Ukrainy jość adčuvańnie, što pik epidemii minuŭ. Treba vychodzić z hetaha ažyjatažu», ‑‑ kaža Juščanka. Praz 10 chvilin u zału ŭvajšoŭ Alaksandr Łukašenka za ruku z synam.
Mikałaj krychu saromieŭsia, sieŭ kala baćki, nasuprać biełaruskaha ściažka. Staŭ adkručvać jaho ad padstaŭki.
«My prybyli, kab zaśviedčyć ‑ my z vami, ‑ kaža Juščanka. ‑ Dziakuj Alaksandru Łukašenku, jaki svaim pryjezdam u Ivana‑Frankoŭsk pakazaŭ: nie treba panikavać».
«Tata, jašče doŭha?» ‑‑ hučna spytaŭ syn Łukašenki i paciahnuŭ jaho za rukaŭ.
Alaksandr Łukašenka ŭśmichnuŭsia, staŭ šaptać niešta Koli na vucha, dapamahać ukrucić ściažok. Chłopčyk supakoiŭsia.
«Heta nie čuma i nie zaraza strašnaja. Heta vylečnyja chvaroby. A panika ‑ samaja strašnaja chvaroba, ‑ skazaŭ Łukašenka. ‑‑ Ja vielmi rady, što vy mianie zaprasili na zachad,
bo tut ja kaliści ŭ maładości byvaŭ «.
Praź niekalki chvilin paśla bryfinhu Łukašenku‑małodšaha paviali da trapu samalota. Mikałaj byŭ apranuty ŭ viazanuju šapku, čornuju kurtku i ciomna‑sinija štoniki. Z boku na pojasie ŭ jaho była pryviazanaja cacačnaja šabla.
Na vulicy chłopčyk sarvaŭsia i pabieh da samalota. Jaho dahnaŭ mužčyna ŭ doŭhim čornym płaščy. Uziaŭ dzicia za ruku, pravioŭ u sałon.
Praz paŭhadziny ŭ samalot zajšoŭ Alaksandr Łukašenka.
Juščanka pierad hetym pieradaŭ jamu vyšyvanku, pacałavaŭ na raźvitańnie.
Jak nahadvajuć ŭkrainskija ŚMI, pa stanie na 9 listapada na Ukrainie zafiksavali 65 vypadkaŭ zachvorvańnia na śviny hryp.