BIEŁ Ł RUS

Nuncyj Ante Jozič nieŭzabavie paśviacić novy kaścioł u Novaj Baravoj

21.04.2023 / 22:15

Nashaniva.com

20 maja ŭ staličnym mikrarajonie Novaja Baravaja adbudziecca paśviačeńnie novapabudavanaha kaścioła śviatoha Franciška, a taksama ałtara śviatyni. Uznačalić celebracyju Apostalski nuncyj u Respublicy Biełaruś arcybiskup Ante Jozič, paviedamlaje Catholic.by.

Uźviadzieńnie śviatyni ŭ parafii śviatoha Franciška ŭ Novaj Baravoj — staličnym mikrarajonie, što ŭźnik u vakolicach daŭniaj vioski Kopišča, dzie niasuć słužeńnie mienšyja braty kapucyny, raspačałosia ŭ 2014 hodzie, kali byŭ zakładzieny pieršy kutni kamień śviatyni.

4 kastryčnika 2020 hoda nad novazbudavanym kaściołam uźnialisia kryžy, jakija błahasłaviŭ biskup Juryj Kasabucki, a pad novy, 2023 hod, u śviatyni byŭ ustalavany novy arhan.

Uračystaść paśviačeńnia kaścioła i ałtara budzie supravadžacca śviatočnaj prahramaj na praciahu cełaha dnia. Napačatku adbudziecca kancert dziciačych kalektyvaŭ, paźniej — hała-kancert z udziełam parafijalnaha choru Transitus, arhanista Juryja Habrusia, a taksama muzyčnaha narodnaha ansambla «Roskvit» i Dziaržaŭnaha kamiernaha choru Respubliki Biełaruś.

Zavieršycca śviatočny dzień kancertam dla moładzi z udziełam maładych talentaŭ, hurta prasłaŭleńnia Verbum Dei i hurta tradycyjnaj biełaruskaj muzyki PAWA.

Čytajcie taksama:

Kafiedralny kaścioł u Minsku zapuściŭ pastajannuju tranślacyju nabaženstvaŭ na Youtube

Z terytoryi kolišniaha minskaha kaścioła Śviatoha Tamaša Akvinskaha źnikła achoŭnaja šylda

Ułady razarvali biaspłatnyja damovy arendy z čatyrma kaściołami — pravaabaroncy

Čytajcie taksama:

Kamientary da artykuła