Biełaruski hurt Skynet, jaki kaliści hraŭ z ukrainskim «Okiean Jelzi», ciapier śpiavaje pra «abaroncaŭ Danbasa»
Hurt Skynet na čale ź Ivanam Panamarovym udzielničaje u rasijskim konkursie patryjatyčnaj pieśni «Sałdacki kanviert». Jon prezientuje na im pieśniu «Priamo v raj», jakaja pryśviečanaja abaroncam Danbasa i akupantam Ukrainy, piša vydańnie «Štodzień».
U 2019 hodzie hurt śpiavaŭ niekatoryja pieśni pa-biełarusku, ale ŭ peŭny čas Ivan Panamaroŭ skandalna pazbaviŭsia staroha składu hurta.
Ciapier jon ćviorda staić na «ruskamirnych» pazicyjach. U śniežni 2022 hoda hurt raźmiaściŭ pieśniu «Priamo v raj» na jutubie, za hety čas jana nabrała, jak piša «Štodzień», ažno 74 prahlady.
U finale konkursu, jaki adbudziecca ŭ Staŭrapali, aceńvać udzielnikaŭ budzie, darečy, viadomy biełaruski śpiavak Anatol Jarmolenka, lidar hurta «Siabry».