U Biełharodskaj vobłaści zajavili pra «masiravany abstreł»
U Biełharodskaj vobłaści Rasii miascovyja ŭłady zajaŭlajuć ab tak zvanym masiravanym abstrele z boku USU. Nibyta pad ataku znoŭ trapiŭ horad Šebiekina, tam siońnia ŭklučali sireny. Pra heta ŭ siabie ŭ telehramie paviedamiŭ hubiernatar Viačasłaŭ Hładkoŭ.
Fota z telehram-kanała Viačasłava Hładkova
«Siońnia pad masiravany abstreł USU trapiła Šabiekina. Druhi raz adzin sa snaradaŭ razarvaŭsia pobač z tryma šmatkvaternymi damami», — napisaŭ Hładkoŭ.
Pavodle jaho, u horadzie ŭ vyniku hetaha abstrełu vybityja vokny i paškodžanyja bałkony. Paviedamlajecca pra čatyroch paciarpiełych.