Miadźviedzieŭ pradkazaŭ Zialenskamu śmierć Hitlera — «nahłytaŭšysia sabačaha jadu». Ale Hitler, zdajecca, zastreliŭsia
Eks-prezident Rasii napisaŭ u telehram-kanale novy karotki dopis, u jakim adreahavaŭ na słovy Zialenskaha «Usie, chto tam, u Kramli — paviercie, jany skončać drenna».
Dźmitryj Miadźviedzieŭ
«Stvareńnie ŭ zialonym pažadała śmierci ŭsim u Kramli. Pryčym nie ad svaich ruk. Chto jak pamre, nam nieviadoma, bo šlachi Haspodnija nieviadomyja. Ale ŭ narkamana ŭ Kijevie jakraz jość šaniec zhinuć mienavita ad svaich ruk. Akačurycca, ździejśniŭšy bajaźlivaje samahubstva. Jak Hitler, nahłytaŭšysia sabačaha jadu», — napisaŭ palityk.
Ličycca, što Hitler zabiŭ siabie 30 krasavika 1945 hoda, streliŭšy ź pistaleta ŭ skroń. Choć u savieckaj histaryjahrafii śćviardžałasia, što jon pryniaŭ cyjanid. Atruciłasia jaho žonka Jeva Braŭn.
Prezident Ukrainy Uładzimir Zialenski zajaviŭ u intervju Bi-bi-si, što kramloŭskija kiraŭniki naŭrad ci pamruć svajoj śmierciu. Voś što jon skazaŭ: «Chto tam, u Kramli, paviercie, jany skončać drenna. Nie viedaju, ščyra kažučy, jak, ale chaciełasia b, kab chutčej skončyłasia. Ale jany dakładna svajoj śmierciu nie skončać».
Čytajcie taksama:
Miadźviedzieŭ namiaknuŭ, što padazravanaha ŭ zamachu na Prylepina mohuć zabić u turmie
Miadźviedzieŭ raskazaŭ dzieciam, što ŭ Rasii «nie zdryhaniecca ruka» ŭžyć jadziernuju zbroju
Ekśpiert patłumačyŭ mety radykalnych vykazvańniaŭ Dźmitryja Miadźviedzieva