Nacyjanalny histaryčny muziej zaprašaje ŭsich achvotnych na tancavalny marafon i batleječnyja śpiektakli
Nacyjanalny histaryčny muziej Respubliki Biełaruś zaprašaje minčan i haściej stalicy na tancavalny marafon i batleječnyja śpiektakli, paviedamiła pres‑sakratar muzieja Vieranika Sasnoŭskaja.
Pavodle jaje słoŭ, u NHM (K. Marksa, 12) 18 i 25 listapada ŭ 19.00 u miežach akcyi «Viečar u muziei» projdzie tancavalny marafon. Na praciahu hadziny ŭ muziejnaj zale hurty staradaŭniaj muzyki «Pierapłut» i «Haljarda» sumiesna z teatram «Histryjon» pakažuć muzyčna‑tancavalnuju prahramu «Histaryčny taniec». Prahučać staradaŭnija tradycyjnyja tancavalnyja miełodyi Biełarusi, Litvy, Łatvii, Paŭnočnaj Jeŭropy i siaredniaviečnyja matyvy, a taksama adbudziecca majstar‑kłas pa tradycyjnych i siaredniaviečnych tancach. Košt uvachodnaha bileta na tancavalny marafon: dla darosłych — 2.200 rubloŭ, dla dziaciej — 1.100 rubloŭ.
Akramia taho, jak adznačyła Sasnoŭskaja,
z 14 listapada pa 9 studzienia 2010 hoda kožnuju subotu pravodziacca batleječnyja śpiektakli. Z 12.00 da 16.00 kožny čas arhanizoŭvajecca prahlad tradycyjnaha batleječnaha kaladnaha śpiektakla «Car Irad».
Košt bileta dla darosłych i dziaciej — 2.200 rubloŭ.