12 hadoŭ turmy dali zmaharu sa złačynstvami ŭ śfiery IT
16 listapada ŭ sudzie Centralnaha rajona Minska abjaŭleny prysud u dačynieńni da byłoha pieršaha namieśnika načalnika ŭpraŭleńnia pa raskryćci złačynstvaŭ u śfiery vysokich technałohij (upraŭleńnie «K») MUS Biełarusi Siarhieja Novika.
Jak paviedamili ŭ sudzie, Siarhiej Novik pryhavorany da 12 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu z kanfiskacyjaj majomaści.
Spravu ŭ dačynieńni da Siarhieja Novika rasśledavała Hienieralnaja prakuratura. U sud materyjały byli pieradadzieny ŭ pačatku maja.
Nahadajem, jak paviedamiŭ na pres‑kanfierencyi 6 sakavika 2009 hoda načalnik upraŭleńnia pa baraćbie z karupcyjaj i arhzłačynnaściu Hienprakuratury Alaksandr Rakievič, u sakaviku 2006 hoda, złoŭžyvajučy słužbovymi paŭnamoctvami, Siarhiej Novik schiliŭ raniej sudzimaha hramadzianina da ŭčynieńnia kradziažu hrašovych srodkaŭ z bankamataŭ pry dapamozie bankaŭskich kartak, jakija vyrablaŭ z vykarystańniem mahčymaściaŭ, dadzienych jamu pa słužbie.
U vyniku hramadzianin, jaki dziejničaŭ pad kiraŭnictvam aficera milicyi, z sakavika 2006 hoda pa žnivień 2007 hoda vykraŭ z bankamataŭ u Biełarusi i Rasii prykładna 40 młn. biełaruskich rubloŭ i 9 młn. rasijskich rubloŭ. Bolšaja častka ŭkradzienaha była pieradadziena Noviku.