Anhlijski fanat atrymaŭ kvitki na finał Lihi kanfierencyj za bojku. Takoje byvaje
Fanat «Vest Chema» Krys Nołt, viadomy taksama pa mianušcy Nołsi, staŭ hałoŭnym hierojem paŭfinalnych matčaŭ Lihi kanfierencyj, treciaha pa statusie turniru jeŭrakubkaŭ.
Freddie bonfanti
Paśla parazy ŭ matčy ŭ adkaz paŭfinału Lihi kanfierencyj (0:1) hrupa fanataŭ niderłandskaha «AZ» napała na haściavy siektar zaŭziataraŭ «Vest Chema», dzie ŭ tym liku znachodzilisia siemji i siabry futbalistaŭ anhlijskaj kamandy, paviedamlaje tvnet.lv.
Nieviadoma, čym by ŭsio skončyłasia, nie apynisia na trybunie fanat «Vest Chema» Krys Noł, viadomy pad psieŭdanimam Nołsi. Jakraz jon, staŭšy na leśvicy, u adzinočku adbivaŭsia ad natoŭpu fanataŭ «AZ».
Nieŭzabavie, zaŭvažyŭšy, što siemjam partnioraŭ pa kamandzie pahražaje niebiaśpieka, u vir bojki kinulisia i niekalki futbalistaŭ «Vest Chema», u pryvatnaści Majkł Antonia, Łukas Pakieta i Flin Daŭns. Urešcie z dapamohaj palicyi bojku spynili.
Paśla hulni Nołsi viarnuŭsia dadomu ŭ Anhliju, dzie jaho sustreli jak sapraŭdnaha hieroja.
I kłub na jaho nie zabyŭsia.
«Ja byŭ na pracy, i kali mnie patelefanavali, ledź nie zapłakaŭ. Heta była supracoŭnica «Vest Chema». Jana siadzieła dvuma šerahami zzadu mianie i bačyła, što adbyłosia. Jana skazała, što ja byŭ vielmi śmiełym i zasłužyŭ bilet na finał», — padzialiŭsia ščaślivy Krys.
Ciapier Nołsi adpraŭlajecca na finał Lihi kanfierencyj «Vest Chem» — «Fijarencina», jaki projdzie 7 červienia ŭ Prazie.
Čytajcie taksama:
PSŽ choča prapanavać Miesi miehakantrakt. Heta prosta rekordnyja hrošy
Siensacyja na čempijanacie śvietu! Łatvija pieramahła Šviecyju i vyjšła ŭ paŭfinał