Situacyja ŭ Šabiekinie Biełharodskaj vobłaści — 300 dziaciej evakujujuć
Hubiernatar Biełharodskaj vobłaści Viačasłaŭ Hładkoŭ ranicaj zajaviŭ, što situacyja ŭ horadzie Šabiekina na miažy z Ukrainaj «paharšajecca».
«Pačynajem ź siońniašniaha dnia vyvozić dziaciej z Šabiekinskaj i Hrajvaronskaj akruh. Siońnia pieršyja 300 dziaciej buduć adpraŭlenyja ŭ Varoniež», — napisaŭ jon ranicaj u telehram-kanale.
Nočču hubiernatar paviedamlaŭ pra čarhovyja ŭdary pa Šabiekinie, nazva jakoha daŭno na słychu ŭ suviazi z vajnoj. Horad nie raz traplaŭ pad abstreł, piša Bi-bi-si.
Hładkoŭ śćviardžaje, što ŭ 3:15 pa horadzie byŭ naniesieny masiravany ŭdar reaktyŭnymi sistemami załpavaha ahniu «Hrad». Nastupstvy jon apisaŭ tak: «Vybityja šyby, paškodžanyja fasady i dach u vaśmi šmatkvaternych, čatyroch pryvatnych domaŭładańniach, a taksama ŭ škole i dvuch administracyjnych budynkach. Adna krama całkam zhareła. Roznyja paškodžańni jość u 12 aŭtamabilaŭ».
Pavodle źviestak hubiernatara, paciarpieli čatyry čałavieki. Hładkoŭ apublikavaŭ fota, kab prademanstravać naniesienuju škodu.
Ukraina nie kamientavała zajavy rasijskich uład pra abstreł Šabiekina.