Niećviarozaja kiroŭca ŭ Minsku ŭlacieła ŭ słup tak, što aŭto pierakuliłasia
Avaryja adbyłasia ŭ stalicy 3 červienia kala 6-j ranicy.
Pavodle papiaredniaj infarmacyi, 41-hadovaja kiroŭca aŭtamabila Nissan niedaloka ad budynka №177 pa praśpiekcie Niezaležnaści nie spraviłasia z kiravańniem i najechała na aśviatlalnuju mačtu. Aŭtamabil pierakuliŭsia, pra heta paviedamlaje DAI Minska.
Vyniki miedahladu pakazali, što ŭ arhaniźmie kiroŭcy było 1,49 pramile ałkaholu.
U DTZ abyšłosia biez paciarpiełych. Na miescy zdareńnia pracavali supracoŭniki adździeła DAI Pieršamajskaha RUUS Minska.