U minskim mietro ŭ hadzinu pik spynili ruch ciahnikoŭ z-za «incydentu z pasažyram»
Na Maskoŭskaj linii staličnaha mietro ŭviečary ŭ paniadziełak na niekalki chvilin spynili ciahniki, paviedamlaje «Lusterka». Pakul viadoma tolki toje, što pryčynaj zatrymki stała zdareńnie z adnym z pasažyraŭ.
Fota ilustracyjnaje
Jak raskazali čytačy «Lusterka», jakija siońnia ŭviečary jechali ŭ mietro, na «siniaj» halincy ciahnik u bok Barysaŭskaha traktu spynili «z techničnych pryčyn». Heta adbyłosia niezadoŭha da 19-j hadziny, sastaŭ prastajaŭ prykładna piać chvilin.
Krychu paźniej u Minskim mietrapalitenie patłumačyli, što ŭ 18:55 na stancyi «Piatroŭščyna» adbyŭsia «incydent z pasažyram». Praz heta ruch ciahnikoŭ daviałosia nienadoŭha prypynić.
Ciapier sastavy znoŭ chodziać, mietro pracuje ŭ štatnym režymie. Što ž za incydent prypyniŭ ruch, nie paviedamlajecca.
Čytajcie taksama:
Pad Astraŭcom naśmierć raźbiŭsia litoŭski matacyklist paśla sutyknieńnia z mašynaj rasijanina
U Słucku čałaviek z dvuma małymi dziećmi pierabiahaŭ darohu i adno nie ŭpilnavaŭ