U Biełarusi zastałosia piać pryvatnych škoł
Pieršy namieśnik ministra adukacyi Alaksandr Bachanovič raskazaŭ, što zakryćcio pryvatnych škoł vyklikała niespakoj baćkoŭ. Adnak, na jaho dumku, niespakoj pavinna było vyklikać toje, što ŭ škołach vyjavili šerah raznapłanavych parušeńniaŭ.
Fota: AP
Bachanovič źviarnuŭ uvahu, što paśla ŭstupleńnia ŭ siłu zakona Ab licenzavańni ŭ ciapierašni čas piać pryvatnych škoł «atrymali śpiecyjalny dazvoł i ažyćciaŭlajuć adukacyjnuju dziejnaść», pra heta piša «Sputnik».
«Heta try škoły ŭ Minsku i dźvie ŭ Minskim rajonie, ahulnaja kolkaść navučencaŭ u jakich składaje kala tysiačy čałaviek», — udakładniŭ čynoŭnik.
Bachanovič pryvioŭ ličby: z adnaho boku, pryvatniki (piać škoł i adna tysiača navučencaŭ), a z druhoha boku, 2900 dziaržaŭnych škoł i 1 młn 85,5 tysiačy navučencaŭ.
«Układ pryvatnych škoł — heta 0,1% u sistemie ahulnaj i siaredniaj adukacyi», — padsumavaŭ pieršy namieśnik ministra.