Šolc nazvaŭ vidavočnym płan Pucina pahłynuć Biełaruś
Kancler Hiermanii Ołaf Šolc na ŭradavaj pres-kanfierencyi 14 červienia zajaviŭ, što ciapier nieabchodna abmierkoŭvać harantyi biaśpieki dla Ukrainy i što razmovu pra heta Bierlin užo daŭno viadzie sa svaimi najvažniejšymi sajuźnikami. Pry hetym kancler zhadaŭ i pra Biełaruś, jak piša Deutsche Welle.
Ołaf Šolc sa Śviatłanaj Cichanoŭskaj
Kiraŭnik Hiermanii padkreśliŭ, što havorka nie moža iści pra toje, kab «niejkim čynam zamarozić vajnu i ŭzakonić rasijski zachopnicki nabieh», jak zaklikajuć niekatoryja hałasy.
Vajnu Rasii suprać Ukrainy Ołaf Šolc nazvaŭ pavarotnym momantam, pakolki, na jaho dumku, ź jaje pačatkam u Jeŭropie było admienienaje razumieńnie, što miežy nie pavinny pierasoŭvacca z užyvańniem siły.
«A rasijski prezident vidavočna choča pahłynuć niekatoryja susiednija terytoryi: u jaho jość taki płan u dačynieńni da Ukrainy, i, całkam vidavočna, heta taksama jahony płan u dačynieńni da Biełarusi», — upeŭnieny kiraŭnik niamieckaha ŭrada.
Tamu Šolc ličyć važnaj dalejšuju padtrymku Ukrainy stolki, kolki heta budzie patrebna, a taksama dadaŭ:
«My nie pahodzimsia na naviazany mir. Rasija pavinna vyvieści vojski».