Na niekatoryja prafiesii i pasady buduć brać navat biez dazvołu na pastajannaje žycharstva ŭ Biełarusi
U Biełarusi zaćvierdzili na 2023 hod śpis prafiesij i pasad, na jakija pryciahvajucca inšaziemcy abo asoby biez hramadzianstva, jakija nie majuć dazvołu na pastajannaje žycharstva, biez uliku abmiežavańniaŭ pa abaronie nacyjanalnaha rynku pracy. Zroblena heta pastanovaj Minpracy ad 1 červienia 2023 hoda №17.
Fota ilustracyjnaje
Pastanovu apublikavali siońnia na Nacyjanalnym pravavym partale, jana ŭstupaje ŭ siłu z 1 lipienia 2023 hoda.
U pieralik uklučanyja nastupnyja rabočyja prafiesii: kiroŭca aŭtamabila; ślesar-ramontnik; traktaryst-mašynist sielskahaspadarčaj vytvorčaści; švačka; elektramancior pa ramoncie i absłuhoŭvańni elektraabstalavańnia.
Taksama ŭ śpisie jość nastupnyja pasady: vieterynarny lekar; lekar-śpiecyjalist (usich miedycynskich śpiecyjalnaściaŭ); inžynier; miedycynskaja siastra i miedycynski brat (usich miedycynskich śpiecyjalnaściaŭ); fielčar (usich miedycynskich śpiecyjalnaściaŭ).
Takoje rašeńnie vidavočna tłumačycca deficytam kadraŭ, źviazanym z masavym adtokam ludziej z krainy praz maštabnyja palityčnyja represii i saŭdzieł režymu Łukašenki ŭ ahresii Rasii suprać Ukrainy. Pa roznych acenkach, Biełaruś pakinuli za apošnija try hady ad niekalkich dziasiatkaŭ tysiač da niekalkich socień tysiač čałaviek, prytym u niekatorych śfierach, jak u toj ža miedycynie, deficyt kadraŭ prosta žachlivy, i jaho nie moža chavać navat dziaržaŭnaja statystyka.
Čytajcie taksama:
«Ja nie źbiraŭsia kapać akopy». Miedyk z rajcentra raskazvaje, čamu bolš nie vytrymaŭ