Mbape pierachodzić u «Reał» za fantastyčnyja 250 miljonaŭ jeŭra
«Reał» i «PSŽ» uzhadnili tranśfier forvarda zbornaj Francyi. Kilijan Mbape piarojdzie ŭ madrydski kłub u najbližejšy čas.
Kilijan Mbape. Fota: Christian Liewig — Corbis/Getty Image
Madrydski kłub dasiahnuŭ damoŭlenaści z «PSŽ» ab tranśfiery 24-hadovaha forvarda, jak piša Sports.ru sa spasyłkaj na PSG Community.
Uładalnik «PSŽ» Tamim bin Chamad Al Tani paśla pieramovaŭ z prezidentam «Reała» Fłarentyna Pieresam pahadziŭsia pradać hulca.
Ahulnaja suma tranśfieru składzie 250 miljonaŭ jeŭra. 200 miljonaŭ buduć vypłačanyja adrazu, jašče 50 — u vyhladzie bonusaŭ za praviedzienyja hulcom matčy i zavajovu im «Załatoha miača».
U minułym siezonie čempijanatu Francyi Kilijan pravioŭ 34 matčy, adznačyŭšysia 29 hałami i 5 asistami. Usiaho za «PSŽ» jon zhulaŭ 149 matčaŭ i zabiŭ 135 hałoŭ. A pačynaŭ karjeru ŭ «Manaka».
Čytajcie taksama:
Kryšcijanu Ranałdu staŭ pieršym u historyi futbalistam, jaki zhulaŭ 200 matčaŭ za zbornuju
UEFA prezientavaŭ maskota Jeŭra-2024. Pahladzicie, jaki jon miły