U Litvie aburanyja susiedzi vysielili z-za šumu pieŭnia, jaki piać hadoŭ žyŭ z kurami i śpiavaŭ štoranicu
Zły susied nie palenavaŭsia ŭstać u 4:30 i źniać na videa pieŭnia i jaho haspadaroŭ, a potym raźmiaścić videa ŭ fejsbuku.
Typovy litoŭski pievień. Fota: Peter Cade / Getty Images
U adnoj ź viosak pad Vilniaj pieŭnia, jaki piać hadoŭ žyŭ u svaim kuratniku i śpiavaŭ ranicaj, adsialili ad kurej i husiej, bo susiedzi stali skardzicca na toje, što pievień nie daje im spać, piša Delfi.
Incydent adbyŭsia niedaloka ad horada na chutary.
«Dva dni tamu naš pievień prakukarekaŭ a 4-j ranicy. Susiedziam heta nie spadabałasia, jany raźmiaścili videa ŭ hrupie našaj hramady ŭ fejsbuku i pačalisia niepryhožyja dziejańni», — raspaviała Ryma.
Pavodle jaje słoŭ, pievień u ich žyŭ užo piać hadoŭ, uvieś hety čas jaho śpievy nikomu nie pieraškadžali. Paśla vypadu susieda Ryma z mužam addali pieŭnia inšamu susiedu.
Ci jość u pieŭniaŭ prava ranicaj kukarekać u vioscy ci za horadam, na chutary?
«Niachaj susiedzi prystasoŭvajucca, pryvykajuć da pieŭnia», — skazaŭ žurnalistam adzin z žycharoŭ.
«Moža, krykun i nie patrebny, ale kali krychu paśpiavaje z ranicy, niachaj. Bo treba viedać, što nadyšła ranica», — skazała adna z žančyn.
«Heta dvor pieŭnia, što choča, toje i robić», — prakamientavała situacyju inšaja žančyna.
«Mnie pieŭni nie pieraškadžajuć. Moža, trochi pieraškadžajuć sabaki, što brešuć biez spravy. Ja nie suprać, kali pobač sa mnoj budzie śpiavać pievień», — zaznačaje inšy viaskoviec.
— A kali ranicaj, a piataj ranicy?» — «Navat i ŭ 4:30», — skazała adna žycharka Vilni.
«Treba pahladzieć Kodeks administracyjnych pravaparušeńniaŭ, možna pryciahnuć da adkaznaści pieŭnia za śpievy ci nie», — skazaŭ mužčyna.
Ryma pakul addała pieŭnia susiedziam, jakija trymajuć kurej i inšaha pieŭnia. Žančyna skazała, što pieŭni pasiabravali.
Ale na druhi dzień pievień źnik.
«Ja zasumavała, heta byŭ naš hadavaniec, my jaho vyhadavali. Ja spadziajusia, što jon vierniecca», — skazała Ryma.
Žychary vielmi spadziajucca, što pievień vierniecca, ale aścierahajucca, jak by jon nie trapiŭsia ŭ łapy lisie.
Čytajcie taksama: