Łukašenka zaćvierdziŭ źmieny ŭ zakon «Ab srodkach masavaj infarmacyi»
Uviedzienyja źmieny majuć na mecie jašče bolš uskładnić, a časta zrabić uvohule niemahčymym lehalnaje isnavańnie na terytoryi Biełarusi miedyja, što nie pravodziać praŭładnuju liniju. Zrešty, u značnaj stupieni heta prosta ŭviadzieńnie ŭ «zakonnaje» rečyšča tych paradkaŭ, jakija daŭno i tak isnujuć na praktycy.
Tak, jak paviedamlaje pres-słužba Łukašenki, zakonam praduhledžvajecca «mahčymaść uviadzieńnia zabarony na dziejnaść zamiežnych miedyja na terytoryi Respubliki Biełaruś u vypadku prajaŭleńnia zamiežnymi dziaržavami niedružalubnych dziejańniaŭ u dačynieńni da biełaruskich miedyja».
Akramia taho, praduhledžvajecca «vyznačeńnie asablivaściaŭ funkcyjanavańnia navinnych ahrehataraŭ i pravavoha statusu ich uładalnikaŭ», a taksama «pašyrajecca pieralik padstaŭ dla anulavańnia paśviedčańnia ab dziaržaŭnaj rehistracyi miedyja i abmiežavańnia dostupu da internet-resursu, sietkavaha vydańnia, navinnaha ahrehatara».
Čytajcie taksama:
Ścirańnie pamiaci. Sajt «Priessboła» zabłakavali za archiŭnaje fota «niełajalnaha» futbalista