Viktoryja Azaranka prajhrała ŭkrainskaj tenisistcy Elinie Śvitolinaj. Biełarusku aśvistali
Viktoryja Azaranka sastupiła ŭ 1/8 finału Uimbłdona. Jaje supiernicaj na korcie była ŭkrainka Elina Śvitolina.
Viktoryja Azaranka na Uimbłdonie. Fota: AP Photo/Alberto Pezzali
U matčy čaćviortaha kruha Śvitolina abyšła biełarusku — 2:6, 6:4, 7:6 (11:9).
Raniej tenisistki sustrakalisia na korcie piać razoŭ — tady pieramoha była za Azarankaj.
Jak piša «Trybuna», paśla matča Azaranku aśvistali zaŭziatary. Jana ŭ adkaz paśmiajałasia, pakivała hałavoj i pakinuła kort.
Azaranka praciahnie vystup u parnym razradzie.
Kali Śvitolina hulała z Arynaj Sabalenkaj, to nie stała joj cisnuć ruku. Pierad ciapierašnim matčam ukrainka raskazała žurnalistam, što budzie paźbiahać i dalej cisnuć ruku biełaruskim i rasijskim spartoŭcam.