U Minsku zatrymali padletkaŭ, jakija rabavali ŭ padjezdach starych žančyn
Supracoŭnikami Maskoŭskaha RUUS Minska zatrymany dva niepaŭnaletnija, jakija padazrajucca va ŭčynieńni rabavańniaŭ u padjezdach.
Jak paviedamlajecca na sajcie HUUS Minharvykankama, z kastryčnika hetaha hoda ŭ Maskoŭskim rajonie adbyłasia sieryja rabavańniaŭ, achviarami jakich stanavilisia sastarełyja žančyny, a zdabyčaj złačyncaŭ — ich sumki. Usie hetyja złačynstvy adbylisia pavodle adnaho scenara. Žančyny viartalisia z kramy damoŭ z praduktami. Kali achviara padychodziła da padjezda,
maładyja ludzi abo ŭdvuch apiaredžvali jaje i zachodzili ŭ padjezd, abo adzin zastavaŭsia na vulicy, a druhi zachodziŭ u padjezd śledam za achviaraj.
Zatym z ruk hruba vyryvałasia sumka abo pakiet, paśla čaho złamyśniki ŭciakali.
Faktar niečakanaści spracoŭvaŭ nastolki, što va ŭsich vypadkach achviary nie mahli nazvać dakładnyja prykmiety złačyncaŭ.
Vyjaviłasia, što heta dva školniki — 16 i 12 hadoŭ.
U vyniku pieršapačatkovych śledčych dziejańniaŭ vyśvietliłasia, što starejšy z zatrymanych mieŭ infarmacyju ab typovych kodach damafonaŭ niekatorych padjezdaŭ, dziakujučy čamu i moh traplać u padjezd raniej za achviaru. Hety padletak u 2008 hodzie ŭžo ŭčyniŭ razboj u dačynieńni da sastarełaj žančyny. Tady, jechaŭšy na rovary, jon vyrvaŭ ź jaje ruk sumku z praduktami. U 2009 hodzie padletak vyrašyŭ pryciahnuć małodšaha tavaryša. Va ŭsich vypadkach školniki metanakiravana vysočvali starych žančyn, jakija vychodzili z kramy, paśla čaho «pravodzili» ich da padjezda, dzie i ŭčyniali złačynstvy.