Kala sta turystaŭ akazalisia zabłakavanymi ŭ byłym domie Ahaty Kryści
Hrupa turystaŭ apynułasia ŭ pastcy ŭ byłym domie piśmieńnicy Ahaty Kryści ŭ Devanie ŭ piatnicu 14 lipienia paśla taho, jak praź niepahadź vialikaje dreva ŭpała na adzinuju darohu, jakaja viadzie da siadziby, i zabłakavała vyjezd.
Majontak Ahaty Kryści, jaki naviedvali turysty. Fota: Getty Images
Jak paviedamlaje CNN, turysty, jakim bolš ničoha nie zastavałasia rabić, pili harbatu, hulali ŭ holf i krakiet i čytali detektyŭnyja ramany.
Naprošvajecca paralel z kultavym ramanam Kryści «Dziesiać niehrycianiat», u jakim dziesiać nieznajomcaŭ, zaprošanych u addaleny asabniak la ŭźbiarežža Devana, zahadkavym čynam hinuć adno za adnym.
Turystaŭ napatkaŭ mienš žudasny los. Jany praviali ŭ asabniaku ŭvieś dzień i paśla taho, jak ratavalniki rasčyścili darohu, zmahli pakinuć majontak.
Čytajcie taksama:
Pamierła francuzskaja aktrysa i śpiavačka Džejn Birkin
Pavodka ŭ Paŭdniovaj Karei: vyratavalniki dastali siem cieł z zatoplenaha tunela, jaki staŭ pastkaj