Minsk naviedaje čynoŭnik Rady Jeŭropy
30 listapada — 1 śniežnia Minsk naviedaje kiraŭnik hienieralnaha dyrektarata pa demakratyi i palityčnych pytańniach Rady Jeŭropy Žan‑Łui Łaren,
paviedamlaje pres‑słužba Rady Jeŭropy. Jon praviadzie šerah sustreč z pradstaŭnikami ŭładaŭ i hramadzianskaj supolnaści.
Ranicaj 1 śniežnia Łaren abmiarkuje sa studentami Biełaruskaha dziaržaŭnaha univiersiteta raźvićcio supracoŭnictva pamiž Biełaruśsiu i Radaj Jeŭropy, jaki sioleta adznačaje «60‑hodździe na varcie i na karyść pravoŭ čałavieka i demakratyi, u pošukach ahulnych adkazaŭ na sacyjalnyja, kulturnyja i pravavyja prablemy, ź jakimi sutykajucca krainy — členy struktury», paviedamlaje pres‑słužba.
Sustreča z presaj zapłanavana na viečar 1 śniežnia.
Biełaruś nie źjaŭlajecca členam Rady Jeŭropy. Ciapier adkryta pytańnie ab viartańni krainie statusu śpiecyjalnaha zaprošanaha ŭ Parłamienckuju asambleju Rady Jeŭropy.
U lipieni 2009 hoda ŭ Minsku byŭ adkryty infarmacyjny punkt Rady Jeŭropy, kab znajomić biełarusaŭ ź dziejnaściu struktury. Byli arhanizavanyja dźvie hramadskija kampanii: pa baraćbie z damašnim nasillem i suprać pakarańnia śmierciu.