Łukašenka razam z Pucinym naviedaŭ Vałaam i prypaŭ da moščaŭ
Pucin i Łukašenka padčas čarhovaha pryjezdu apošniaha ŭ Rasiju naviedali Spasa-Praabraženski sabor na Vałaamskim archipiełahu ŭ Karelii.
«RIA Novosti» paviedamili, što Pucin i Łukašenka ahledzieli manastyr na vostravie Vałaam i pakłanilisia moščam vialebnych Sierhija i Hiermana — zasnavalnikaŭ sabora. Łukašenka da hetych moščaŭ śledam za Pucinym prypaŭ, ale, pa svajoj zaŭsiodnaj zaviadzioncy, nie pierachryściŭsia.
Rasijskija ŚMI źviartajuć uvahu, što naperedadni rasijskija vojski praviali masiravany abstreł Adesy, u vyniku jakoha byŭ paškodžany, u pryvatnaści, najbujniejšy pravasłaŭny chram hetaha horada z toj ža nazvaj, što i naviedany siońnia dvuma dyktatarami-suahresarami na Vałaamie — Spasa-Praabraženski sabor.
Čytajcie taksama:
Suaŭtar miemaryjała «Chatyń» raskazaŭ, čamu ŭploŭ u skulpturu ŭ honar Łukašenki hadziuku
Łukašenka zajaviŭ, što strymlivaje vahnieraŭcaŭ ad ekskursii ŭ Varšavu i Žešaŭ