Košt prajezdu ŭ minskich maršrutkach dasiahnuŭ 2000 rubloŭ

Ciapier pieravozčyki mohuć ustaloŭvać advolny košt prajezdu, ale mała chto ryzykuje pavyšać jaho.

Raniej u Minsku isnavała abmiežavańnie koštu na prajezd u maršrutnym taksi.

Navat na samych doŭhich maršrutach pieravozčyki nie mieli prava patrabavać bolš za 1860 rubloŭ.

Hramadski transpart zastaŭsia ŭ śpisie «sacyjalna značnych» tavaraŭ i pasłuh, značycca, ceny na jaho buduć rehulavacca dziaržavaj i nadalej. A voś maršrutki atrymali mahčymaść vyjści z katehoryi «hramadskaha transpartu».

Novy status — kampanii-pieravozčyki — dazvoliŭ ustaloŭvać advolnyja košty na prajezd.

Bolšaść maršrutačnikaŭ zastałosia sa starymi cenami, nie vyšejšymi za 1850 rubloŭ. Ale niekatoryja vyrašyli pravieryć rynak pasažyrskich pieravozak na hnutkaść.

Naprykład, doŭhi čas canoj u 1950 rubloŭ vyłučaŭsia pieravozčyk «Eliz-aŭtałajn» na maršrucie «Sucharava-6 — Uručča-4».

Ciapier ža minskija maršrutki dasiahnuli psichałahičnaj miažy ŭ 2000 rubloŭ.

Kamientary da artykuła