U vyniku DTZ pad Salihorskam zahinuli try čałavieki, troje paranienyja

Jak paviedamili va ŭpraŭleńni Dziaržaŭtainśpiekcyi MUS Biełarusi, za minułyja troje sutak u krainie zarehistravany 84 darožna‑transpartnyja zdareńni z paciarpiełymi. 20 čałaviek zahinuli, 91 traŭmavany, u tym liku vosiem dziaciej.

Najbolš bujnoje DTZ adbyłosia 29 listapada ŭ Salihorskim rajonie. Pablizu vioski Jaskovičy 24‑hadovy minčanin, kirujučy aŭtamašynaj «Subaru», vyjechaŭ na pałasu sustrečnaha ruchu i sutyknuŭsia z «Fordam», jakim kiravaŭ 29‑hadovy žychar Łuninieckaha rajona. U vyniku DTZ abodva vadzicieli i siamihadovaja dačka adnaho ź ich atrymali traŭmy i pamieščany ŭ balnicu.

Zahinuli baćka kiroŭcy «Subaru», maci kiroŭcy «Forda» i žycharka Łuninieckaha rajona.

Na miesca zdareńnia vybyvała śledča‑apieratyŭnaja hrupa MUS.

Kamientary da artykuła