U Salihorskim rajonie ŭ vyniku DTZ zhareli dva kiroŭcy mašynaŭ
54‑hadovaja žycharka Salihorska i 22‑hadovy rasijanin zahinuli ŭ darožna‑transpartnym zdareńni, jakoje zdaryłasia 30 listapada ŭ Salihorskim rajonie.
Jak paviedamili va UUS Minskaha abłvykankama, pablizu vioski Mazurščyna žančyna pry vykanańni abhonu, nie spraviłasia z kiravańniem «Reno Klio». U vyniku mašynu zaniesła, i jana sutyknułasia «Maskvičom», što jechaŭ nasustrač. Hetym aŭtamabilem kiravaŭ hramadzianin Rasii.
Paśla sutyknieńnia abiedźvie aŭtamašyny zaharelisia. Abodva kiroŭcy zahinuli na miescy zdareńnia.
Pa hetym fakcie zaviedziena sprava pa č. 3 art. 317 KK (parušeńnie praviłaŭ darožnaha ruchu, jakoje paciahnuła pa nieaściarožnaści śmierć dvuch abo bolš asob).
Pavodle źviestak Dziaržaŭtainśpiekcyi MUS Biełarusi, za minułyja sutki ŭ krainie zarehistravana 19 darožna‑transpartnych zdareńniaŭ, u jakich try čałavieki zahinuli i 17 atrymali ranieńni.