Za padpisku na «ekstremisckija» staronki aštrafavali šmatdzietnuju maci
Sudździa Dubrovienskaha rajona Maryja Cyklinskaja 15 červienia za padpisku na «ekstremisckija» infarmacyjnyja resursy ŭ sacyjalnych sietkach pastanaviła aštrafavać na 370 rubloŭ maci traich małaletnich dziaciej Śviatłanu Matałyhinu, piša «Viasna».
U sudovym pasiadžeńni byŭ ustanoŭleny fakt taho, što «pravaparušalnica» z dapamohaj telefona z 2020 hoda ŭ «Adnakłaśnikach» mieła padpisku na infarmacyjnuju pradukcyju ŭ dźviuch hrupach, uklučanych u respublikanski śpis ekstremisckich materyjałaŭ. Milicyja vyjaviła hetuju infarmacyju padčas manitorynhu infarmacyjnych resursaŭ u internecie.