Vyznačany dni školnych kanikuł u novym navučalnym hodzie
U školnikaŭ budzie 125 dzion kanikuł.
Fota: «Naša Niva»
Stali viadomyja daty školnych kanikuł na 2023-2024 navučalny hod. Hrafik vučoby i adpačynku apublikavany na sajcie Ministerstva adukacyi.
Školniki buduć vučycca:
- pieršaja čverć: z 1 vieraśnia pa 28 kastryčnika 2023 hoda;
- druhaja čverć: z 8 listapada pa 23 śniežnia 2023 hoda;
- treciaja čverć: z 8 studzienia pa 23 sakavika 2024 hoda;
- čaćviortaja čverć: z 1 krasavika pa 31 maja 2024 hoda.
Daty kanikuł paśla kožnaj čverci ŭstanavili nastupnyja:
- vosieńskija (10 dzion): z 29 kastryčnika pa 7 listapada 2023 hoda ŭklučna;
- zimovyja (15 dzion): z 24 śniežnia 2023 hoda pa 7 studzienia 2024 hoda ŭklučna;
- viasnovyja (8 dzion): z 24 pa 31 sakavika 2024 hoda ŭklučna;
- letnija (92 dni): z 1 červienia pa 31 žniŭnia 2024 hoda.
Dla vučniaŭ 9 kłasaŭ letnija kanikuły buduć krychu karaciejšyja (81 dzień) i pačnucca 12 červienia.
U samych maleńkich navučencaŭ (u pieršym i druhim kłasach, a taksama ŭ trecim kłasie dla dziaciej z asablivaściami raźvićcia) jość dadatkovyja kanikuły ŭ treciaj čverci — z 19 pa 25 lutaha 2024 hoda praciahłaściu 7 dzion.