Staŭka ekspartnaj pošliny na rasijskuju naftu pavyšana na $40
Staŭka ekspartnaj pošliny na syruju naftu ŭ Biełarusi z 1 śniežnia pavyšana z 231,2 da 271 dalara za tonu.
Adpaviednaje rašeńnie ŭtrymlivajecca ŭ pastanovie ŭrada Biełarusi № 1546 ad 30 listapada.
Mižuradavym biełaruska‑rasijskim pahadnieńniem staŭki ekspartnych pošlin na naftu i naftapradukty ŭ Biełarusi ŭstanaŭlivajucca ŭ pamiery, roŭnym staŭkam, što prymianiajucca ŭ Rasii. Uvodzicca ŭ dziejańnie jany pavinny ŭ tyja ž terminy, što i staŭki, jakija ŭstanaŭlivajucca adpaviednymi narmatyŭnymi pravavymi aktami Rasii.
Zhodna z dvuchbakovymi damoŭlenaściami, pošlina na naftu, što pastaŭlajecca ŭ Biełaruś z Rasii, u 2009 hodzie raźličvajecca z prymianieńniem kaeficyjenta 0,356. Takim čynam, z 1 śniežnia jana składzie dla Biełarusi 96,5 suprać 82,3 dalara za tonu ŭ listapadzie.
1 śniežnia ŭ Biełarusi taksama pavyšany ekspartnyja pošliny na naftapradukty. U pryvatnaści, pošlina na śvietłyja naftapradukty (lohkija i siarednija dystylaty, hazojli, bienzoł, tałuoł, ksiłoły) składzie 194,9 suprać 168,1 dalara za tonu, na ciomnyja naftapradukty (masły, adpracavanyja naftapradukty, minieralnyja voski, koks naftavy, bitum naftavy i inšyja astatki naftapierapracoŭki) — 105 suprać 90,5 dalara za tonu.