U sieciva trapili danyja karystalnikaŭ papularnaha knižnaha servisu
Uciečka danych adbyłasia ŭ knižnaha servisu «LitRes». Heta sajt z elektronnymi i aŭdyjaknihami. U volny dostup trapili bolš za try miljony radkoŭ danych.
Skryn sajta Litres
Telehram-kanał «Uciečki infarmacyi» paviedamlaje, što ŭ sieciva trapili nastupnyja danyja:
— imia i proźvišča (nie dla ŭsich);
— adras elektronnaj pošty (590 tysiač unikalnych adrasoŭ);
— chešavany parol (SHA1 biez soli).
U «LitRes» paćvierdzili ŭciečku.
«Nam viadoma pra ŭciečku, ciapier my praviarajem infarmacyju i pravodzim unutranaje rasśledavańnie dla vyśviatleńnia pryčyn i acenki situacyi», — paviedamili ŭ kampanii ahienctvu «Interfaks».
U kampanii adznačyli, što miery pa abaronie danych klijentaŭ tam pačali pradprymać jašče da taho, jak infarmacyja ab uciečcy źjaviłasia ŭ internecie.
«Usia płaciežnaja infarmacyja — u biaśpiecy, pakolki my nie zachoŭvajem płaciežnych danych karystalnikaŭ. Adnak, pakolki złamyśniki sapraŭdy atrymali dostup da adrasoŭ elektronnaj pošty karystalnikaŭ, my rekamiendujem karystalnikam źmianić parol ad «LitRes», a taksama ad usich servisaŭ, dzie jany vykarystoŭvali taki ž abo padobny parol», — adznačyli ŭ pres-słužbie.
U kampanii paviedamili, što ŭ vypadku, kali z akaŭntami karystalnikaŭ buduć ździejśnienyja jakija-niebudź niesankcyjanavanyja dziejańni, usie jany buduć skasavanyja servisam na zapyt klijenta.
«LitRes» vałodaje servisami Litres, MyBook, LiveLib.
Čytajcie taksama:
U Biełarusi adbyłasia jašče adna ŭciečka źviestak
Jakija źviestki biełarusaŭ uciakli ŭ sietku praz uzłom bujnych kram