U Ekvadory zabili druhoha palityka za tydzień. Da vybaraŭ zastajecca piać dzion
Lidara levaha palityčnaha ruchu «Hramadzianskaja revalucyja» ŭ ekvadorskaj pravincyi Eśmieraldas Piedra Bryjoniesa zastrelili nieviadomyja kala svajho doma, paviedamili ŭ paniadziełak jaho paplečniki pa partyi, piša Deutsche Welle.
Budynak chutkaj dapamohi ŭ Ekvadory. Fota: Juan Diego Montenegro / AP
Kandydat u prezidenty ad «Hramadzianskaj revalucyi» Łuisa Hansales vykazała svaje spačuvańni blizkim zahinułaha. «Ekvador pieražyvaje samuju kryvavuju svaju epochu. Hetym my abaviazanyja ŭsieahulnamu paturańniu niaŭmiełaha ŭrada i dziaržavie, zachoplenaj mafijaj. Maje salidarnyja abdymki siamji kalehi Piedra Bryjoniesa, jaki zahinuŭ u hetym hvałcie», — napisała jana ŭ sacsietcy Ch (były Twitter).
Niekalkimi dniami raniej u krainie zabili jašče adnaho palityka — kandydata ŭ prezidenty ad ruchu «Ład» Fiernanda Viljavisiensia. Jon byŭ zabity tryma strełami ŭ hałavu paśla pieradvybarnaj sustrečy ŭ Kita.
Daterminovyja prezidenckija i parłamienckija vybary projduć u Ekvadory 20 žniŭnia.
Čytajcie taksama:
U Ekvadory kandydata ŭ prezidenty zastrelili prosta paśla mitynhu