Biełaruskija aŭtobusy viarnuli na haradskija maršruty Sankt-Pieciarburha
U Sankt-Pieciarburhu adnavili ekspłuatacyju aŭtobusaŭ Minskaha aŭtamabilnaha zavoda, paviedamiŭ miascovy «Pasažyraŭtatrans». Ich byli źniali z maršrutaŭ i praviarali praz ryzyku ŭzharańnia.
Paviedamlajecca, što śpiecyjalisty MAZa dapracavali dziejnuju sistemu i miechanizmy aŭtobusaŭ, kab vyklučyć mahčymyja ŭzharańni.
«Pa kožnaj mašynie vytvorcam składzieny akt, jaki harantuje jaje biaśpieku i daje mahčymaść dopusku da ekspłuatacyi. Aŭtobusy, na jakich paćvierdžana adsutnaść zaŭvah, vychodziać na liniju», — havorycca ŭ paviedamleńni «Pasažyraŭtatransa».
Dadatkova pradstaŭniki MAZa, maŭlaŭ, kožny dzień kantralujuć techničny stan aŭtobusaŭ na maršrutach.
Pieciarburhski «Pasažyraŭtatrans» u pačatku žniŭnia prypyniŭ ekspłuatacyju 137 biełaruskich aŭtobusaŭ, bo mnohija ź ich rehularna zaharalisia i stvarali hetym samym niebiaśpieku. Situacyju kamientavaŭ navat sam Łukašenka, faktyčna admaŭlajučy najaŭnaść surjoznaj prablemy i kivajučy na padkopy «kankurentaŭ».
Z pačatku hoda prodaž aŭtobusaŭ MAZ u Rasii raście. Tolki ŭ mai biełaruskaje pradpryjemstva pradało 159 aŭtobusaŭ, što na 26% bolš, čym u mai 2022-ha.
Čytajcie taksama:
Prodaž aŭtobusaŭ MAZ u Rasiju skaraciŭsia amal na 80%
MAZ prakamientavaŭ źniaćcie svaich aŭtobusaŭ z rejsaŭ u Sankt-Pieciarburhu
Čamu ŭ Pieciarburhu masava harać novyja aŭtobusy MAZ? Nastupstvy sankcyj
Biełaruskija aŭtobusy ŭ Pieciarburhu časta harać, ich vykarystańnie prypynili