Va Ukrainie, na miažy ź Biełaruśsiu, zdetanavali niekalki min. Razburana čyhunačnaje pałatno
Na prymiežnaj ź Biełaruśsiu terytoryi va Ukrainie ŭčora adbyŭsia vybuch — zdetanavali niekalki supraćpiachotnych minaŭ, piša praŭładny telehram-kanał «Tri siestry» sa spasyłkaju na svaje krynicy.
Mierkavanaje miesca zdareńnia. Fota: III_SESTRY / Telegram
Pa infarmacyi ad padpisčykaŭ kanała, 28 žniŭnia kala 03:30 na čyhunačnym moście, raźmieščanym za 800 mietraŭ ad biełaruskaha punkta propusku «Słaviečna» (Jelski rajon Homielskaj vobłaści) na terytoryi Ukrainy zdetanavali niekalki supraćtankavych min TM-62M.
Papiarednie pryčynaj zdareńnia nazyvajecca ŭdar małanki ŭ adnu ź min, paviedamlaje kanał.
Vybucham, pavodle kanała, paškodžanaja apora mosta i razburana čyhunačnaje pałatno ŭ abodva baki. Infarmacyi ab paciarpiełych niama.
Aficyjnaj infarmacyi ad ukrainskaha boku nie było.