Zialenski zajaviŭ, što pojdzie na nastupnyja prezidenckija vybary, kali jany adbuducca
U intervju partuhalskamu telebačańniu RTP prezident Ukrainy skazaŭ, što budzie znoŭ bałatavacca ŭ kiraŭniki dziaržavy ŭ tym vypadku, kali vybary adbuducca ŭ 2024 hodzie padčas vajny, chacia raniej jon chacieŭ abmiežavacca adnym terminam.
Uładzimir Zialenski. Fota: Ofis prezidenta Ukrainy
«Kali budzie praciahvacca vajna i buduć vybary, ja nikoli ŭ žyćci nie kinu svaju dziaržavu. Tamu što ja harant Kanstytucyi i ŭ lubym vypadku budu jaje abaraniać», — skazaŭ jon.
Zialenski padkreśliŭ, što praviadzieńnie vybaraŭ pavinna być apłačana zachodnimi partniorami i što nieabchodna vyrašyć pytańnie biaśpieki va Ukrainie i ŭmoŭ hałasavańnia dla biežancaŭ.
Zhodna z Kanstytucyjaj Ukrainy, parłamienckija vybary ŭ krainie pavinny adbycca vosieńniu 2023 hoda, a prezidenckija — u sakaviku 2024 hoda. Adnak zakanadaŭstva zabaraniaje pravodzić vybary va ŭmovach vajennaha stanovišča.
Pradstaŭniki Zachadu vystupajuć za toje, kab vybary va Ukrainie prajšli svoječasova, niahledziačy na vajnu.
Čytajcie taksama:
Zialenski zajaviŭ pra paśpiachovaje vykarystańnie dalnabojnaj zbroi ŭłasnaj vytvorčaści
Zialenski adkazaŭ, ci pavinna vajna pierakinucca na terytoryju Rasii
Zialenskamu pakazali słovy Cichanoŭskaj pra dapamohu ŭ vyzvaleńni Biełarusi. Voś jak jon adreahavaŭ