Pazycyi Maksima Mirnaha ŭ novym rejtynhu ATP amal nie źmianilisia
U paniadziełak ranicaj byŭ adnarodavany čarhovy rejtynh-list, padrychtavany Asacyjacyjaj tenisistaŭ-prafesijanałaŭ.
U paraŭnańni ź minułym tydniem pazycyi najlepšaha hulca Biełarusi Maksima Mirnaha amal nie źmianilisia. U čempijonskaj honcy 2006 h. biełarus zastaŭsia na 53-m miescy, majučy ŭ svaim aktyvie 101 punkt. Pieršaje miesca ŭpeŭniena zajmaje švajcarac Raže Federer (1117 punktaŭ).
U «skraznym» rejtynhu ATP Mirny zhubiŭ dźvie pazycyi i zajmaje 56-je miesca. Na jahonym rachunku 710 punktaŭ. Tut taksama ŭpeŭniena lidziruje Raže Federer (7 760).
U hetym tabeli prasutničajuć inšyja biełarusy: Uładzimier Vaŭčkoŭ zajmaje 623-je miesca (32 bały), Pavał Katlaroŭ – 922-y (11), Siarhiej Tarasievič – 990-y (9), Jahor Puntus – 1011-ty (8), Siarhiej Vasin, Jaŭhien Michiejeŭ, Siarhiej Bietaŭ i Pavał Čarnuščyn dzielać 1558 miesca.
Značna lepšyja pazycyi Maksima Mirnaha ŭ parnym rejtynhu. U indyvidualnym rejtynhu parnych tenisistaŭ jon zajmaje treciaje miesca (5 230 bałaŭ), na 150 bałaŭ apiaredžvajučy svajho naparnika šveda Junasa Bjorkmana. Pieršaje miesca dzielać amerykancy Majk i Bob Brajany (6 410 bałaŭ).
U rejtynhu duetaŭ para Mirny/Bjorkman (729) zajmaje druhuju pazycyju, sastupajučy bratam Brajanam (1 017).
Na hetym tydni Maksim Mirny voźmie ŭdzieł u tenisnym turniry ŭ amerykanskim Cyncynaci, a pry kancy žniŭnia – u adkrytym čempijanacie ZŠA.