Vučni adnoj sa škoł Biełarusi prynieśli klatvu na viernaść Radzimie
Novy rytuał praviali ŭ Dubnienskaj siaredniaj škole Mastoŭskaha rajona padčas liniejki 1 vieraśnia, paviedamlaje vydańnie «Zara nad Niomanam».
Fota: «Zara nad Niomanam»
Hazieta paviedamlaje, što ŭdzielniki liniejki dali klatvu na viernaść Radzimie, abaviazalisia paśpiachova vučycca i pracavać na karyść Biełarusi, prasłaŭlać mastoŭskuju ziamlu, a taksama z honaram nieści imia vajennaha lotčyka Andreja Daniłava, jaki ździejśniŭ svoj podźvih na dubnienskaj ziamli i čyjo imia budzie prysvojena škole.
A pačalisia zaniatki z uroka pa temie «Biełaruś i Ja — dyjałoh miru i stvareńnia». Dla staršakłaśnikaŭ jaho praviała ŭ muziei škoły nastaŭnica historyi Taćciana Vialička. Žyćcio i podźvih Andreja Daniłava staŭ prykładam taho, jak treba šanavać i lubić svaju Radzimu, być hatovym jaje abaraniać.