U Małaryckim rajonie mužčynu ŭdžaliła nieviadomaje nasiakomaje. Jon pamior
Žychar Vysokaha Kamianieckaha rajona razam ź siamjoj adpačyvaŭ na voziery Łukava Małaryckaha rajona.
Fota: «Naša Niva»
Kali mužčyna staviŭ namiot, to adčuŭ, što jaho ŭdžaliła ŭ šyju niejkaje nasiakomaje, i paklikaŭ žonku. Žančyna ahledzieła miesca ŭkusu i akuratna dastała džała. Praz hadzinu mužčynu stała drenna, paviedamlaje Dziaržkamitet sudovych ekśpiertyz.
Vielmi apieratyŭna vyklikali chutkuju. Adnak, niahledziačy na reanimacyjnyja mierapryjemstvy, vyratavać mužčynu nie ŭdałosia.
Jak raspaviała žonka zahinułaha, letaś mužčynu ŭdžaliła taksama niejkaje nasiakomaje i paźniej źjaviłasia alerhičnaja reakcyja. Z taho času jon prymaŭ antyhistaminnyja preparaty, ale ŭ hety dzień tabletku nie vypiŭ.
Pry praviadzieńni sudova-miedycynskaj ekśpiertyzy ekśpiert upraŭleńnia Dziaržaŭnaha kamiteta sudovych ekśpiertyz pa Bresckaj vobłaści ŭstanaviŭ, što śmierć mužčyny nastupiła ad anafiłaktyčnaha šoku jak vyniku ŭkusu.
Miascovyja žychary, jakija adpačyvajuć na voziery, raspaviali, što na hetaj terytoryi sustrakajucca šeršni.
Čytajcie taksama:
U Tałačynskim rajonie žančynu da śmierci zakusali vosy
Biełarusaŭ pa ŭsioj krainie teraryzujuć vosy, a na lecišča pad Hrodnam prylacieŭ asajed
U Viciebskim rajonie sotni šeršniaŭ atakavali ludziej na turbazie, adnaho čałavieka ledź adratavali