Za telehram-kamientary zatrymali ślesara ź Minska. Voś, jak jaho adšukali navat paśla vydaleńnia akaŭnta
Suprać mužčyny zaviedzienyja niekalki kryminalnych spravaŭ.
Pavieł Lipnievič. Fota ź jahonaj staronki Ukantakcie (archiŭnaja kopija)
Zatrymany — 36-hadovy minčuk Pavieł Lipnievič. Viadoma, što mužčyna pracavaŭ ślesaram u kampanii AAT «Zapaviet», jakaja zajmajecca mantažom elektratechničnych sietak. Raniej mužčyna mieŭ IP, jakoje zajmałasia ramontam aŭto.
Mužčyna vydaliŭ akaŭnt u 2022-m, ale jaho zdoleli adšukać. Reč u tym, što jahony akaŭnt byŭ na jahonym nieschavanym biełaruskim numary, a taksama niekatory čas navat mieŭ u jakaści «avatarki» fota samoha Paŭła. Za hety čas jon paśpieŭ pakinuć bolš za 600 kamientaroŭ u roznych čatach.
Tak vyhladaje infarmacyja pra akaŭnt Paŭła ŭ papularnym rasijskim telehram-bocie «Voka Boha». Źviarnicie ŭvahu — stvaralniki bota supracoŭničajuć sa śpiecsłužbami Biełarusi i Rasii, a taksama źbirajuć źviestki pra akaŭnty karystalnikaŭ, tamu my b nie raili im karystacca dla pravierki ŭłasnaha akaŭnta.
Da nas akaŭntam cikavilisia minimum adzin raz, a numaram — čatyry razy. Imavierna, heta biełaruskija siłaviki.
Ciapier mužčyna zatrymany. HUBAZiK paviedamlaje, što suprać jaho zaviali niekalki kryminalnych spravaŭ.
Čytajcie taksama: