U Sibiry samalot ździejśniŭ avaryjnuju pasadku na pšaničnaje pole. Na borcie było 165 čałaviek
«Vielmi pašancavała, što znajšli jaho. Heta samaje vialikaje pole tut u nas», — kaža kiraŭnik miascovaj administracyi.
Siberian transport prosecutor's office telegram channe
Samalot «Uralskich avijalinij» ździejśniŭ ekstrannuju pasadku na pšaničnaje pole ŭ rajonie siała Ubinskaje Novasibirskaj vobłaści. Bort ździejśniŭ vymušanuju pasadku z-za prablem z hidrasistemaj.
«Sieli na vialikaje pšaničnaje pole. Vielmi pašancavała, što znajšli jaho. Heta samaje vialikaje pole tut u nas», — skazaŭ kiraŭnik Ubinskaha rajona Novasibirskaj vobłaści Aleh Kaniuk.
Usie pasažyry rejsa «Uralskich avijalinij» raźmieščanyja ŭ najbližejšym nasielenym punkcie. Ab paciarpiełych nie paviedamlajecca.
«Pavodle danych ekipaža, na borcie 159 pasažyraŭ i 6 členaŭ ekipaža. Suviaź z ekipažam jość. Usie pasažyry raźmieščanyja ŭ najbližejšym nasielenym punkcie. Pavodle papiarednich źviestak, pa miedycynskuju dapamohu nichto nie źviartaŭsia, — adznačajecca ŭ paviedamleńni.
«Uralskija avijalinii» apublikavali fota ekipažu, jaki paśpiachova sieŭ u poli. Fota: Uralairlines
— Pa fakcie avaryjnaj pasadki samalota zaviedziena kryminalnaja sprava (č. 1 art. 263 KK RF — parušeńnie praviłaŭ biaśpieki ruchu i ekspłuatacyi pavietranaha transpartu)».