13 śniežnia projdzie probny refierendum ab niezaležnaści Katałonii
Refierendum arhanizavali niekalki niaŭradavych arhanizacyj, jaho praviadzieńnie padtrymali miascovyja ŭłady.
13 śniežnia ŭ 170 haradach i vioskach Ispanii projdzie refierendum ab niezaležnaści Katałonii, adnaho z 17 aŭtanomnych supolnaściaŭ krainy.
Refierendum arhanizavali niekalki niaŭradavych arhanizacyj, jaho praviadzieńnie padtrymali miascovyja ŭłady.
Jak paviedamiŭ adzin z kaardynataraŭ refierendumu Daniel Žovi, udzielnikam hałasavańnia treba adkazać na pytańnie, ci zhodnyja jany,
kab Katałonija stała «sacyjalnaj, demakratyčnaj i niezaležnaj pravavoj dziaržavaj i siabram ES».
Katałonija atrymała aŭtanomiju ad urada Ispanii ŭ śniežni 1979 hoda. Rehijon maje svoj urad, jaki ŭvachodzić u ispanskuju dziaržaŭnuju sistemu kanstytucyjnaj manarchii. Urad z rezidencyjaj u Barsiełonie ličycca pierajemnikam ŭłady Kartesaŭ, što isnavali z 1359 h., sasłoŭna‑pradstaŭničych schodaŭ, i składajecca z parłamienta z 135 deputatami i vykanaŭčaha savieta. Prezident aŭtanomnaj vobłaści Katałonii abirajecca parłamientam na čatyry hady.