U Čašnickim rajonie pad ciahnikom zahinuŭ mužčyna. Napiaredadni jon mocna pasvaryŭsia ź siabroŭkaj
Uviečary 16 kastryčnika ŭ Čašnickim rajonie pad kołami dyziel-ciahnika, jaki ruchaŭsia pa maršrucie Orša-Lepiel, zahinuŭ 30-hadovy žychar Minska, piša SK.
Jak pišuć śledčyja, uviečary 15 kastryčnika mužčyna znachodziŭsia ŭ haściach u svajoj znajomaj u Čašnikach, pamiž imi adbyłasia svarka, padčas jakoj jon parvaŭ svoj pašpart, raźbiŭ mabilny telefon i syšoŭ.
Na nastupny dzień cieła minčuka z traŭmami, charakternymi dla najezdu čyhunačnaha transpartu, vyjaŭlena mašynistam.