Sotni deputataŭ ES jechali na pracu, ale zamiest jaje vypadkova trapili ŭ Dyśniejłend. Što zdaryłasia?
Štomiesiac Jeŭraparłamient arhanizoŭvaje čartarnyja ciahniki dla palitykaŭ ES, kab vazić ich pamiž svaimi dźviuma štab-kvaterami ŭ Brusieli i Strasburhu. Ale hetym razam niešta pajšło nie tak.
Dyśniejłend u Paryžy. Fota pixabay
Ciahnik, jaki ŭ paniadziełak pavinien byŭ advieźci sotni deputataŭ i čynoŭnikaŭ Jeŭraparłamienta ŭ Strasburh, vypadkova paviarnuŭ nie tudy i trapiŭ u paryžski Dyśniejłend. Pra kurjoznuju situacyju piša vydańnie Politico.
Na pačatku hetaha tydnia pavinna była adbycca zvyčajnaja dla deputataŭ Jeŭraparłamienta pracedura: jany pavinny byli razam sieści ŭ ciahnik na brusielskim vakzale Midzi i ŭ vyniku pryjechać ź Bielhii ŭ francuzski horad Strasburh. Adnak paśla taho, jak jany prajechali aeraport Šarla de Hola ŭ Paryžy, hety ciahnik vypadkova nakiravaŭsia zusim u inšy bok i trapiŭ u Dyśniejłend.
Tam deputaty i čynoŭniki zachraśli na 45 chvilin, ale ŭspryniali hetuju situacyju z humaram.
«Tut amal usie śmiajucca z varjactva situacyi. Niekatoryja navat skardzilisia, što ŭ ciahniku niama biaspłatnych atrakcyjonaŭ, bo jany sami nie mohuć vyjści ź ciahnika ŭ park», — raskazaŭ pamočnik adnaho ź jeŭradeputataŭ.
Emanuel Fułan, pamočnik inšaha parłamientaryja, u svaju čarhu pažartavaŭ, što ciapier Jeŭraparłamientu treba ŭziać sabie deviz Dyśniejłenda: «Tam, dzie ździajśniajucca mary».
Politico taksama cytuje słovy niamieckaha deputata Daniela Frojnda, jaki napisaŭ u tvitary, što «my nie parłamient Miki Maŭsa».
Žurnalisty Politico, jakija aśviatlali zdareńnie, ad siabie dadali, što Donald Dak nijakich kamientaroŭ adnosna situacyi nie davaŭ.
Čytajcie taksama:
Dypłamaty ES nie pajechali ŭ prapahandysckuju pajezdku da ŭkrainskich dziaciej u Navapołack
Paryž u panicy: napiaredadni Alimpijady-2024 stalicu Francyi napatkała niečakanaja prablema
Žerar Depardjo pradaŭ skulpturu ŭradženca Biełarusi — pradstaŭnika Paryžskaj škoły