Mieziencaŭ: Nikoli i nikomu z terytoryi Rasii i Biełarusi nie hučali pahrozy
«Nikoli i nikomu z terytoryi Rasii i Biełarusi nie hučali nijakija pahrozy». Pra heta zajaviŭ dziaržsakratar Sajuznaj dziaržavy Biełarusi i Rasii Dźmitryj Mieziencaŭ, vystupajučy na plenarnym pasiadžeńni mižnarodnaj kanfierencyi «Jeŭrazijskaja biaśpieka: realnaść i pierśpiektyvy ŭ śviecie», piša TASS.
«Dumaju, što ŭ Jeŭropie, śviecie zaŭvažyli tuju pazicyju, jakuju Uładzimir Uładzimiravič Pucin abaznačyŭ, skazaŭšy, što abarona terytoryi Biełarusi budzie ŭsprymacca Rasijskaj Fiederacyjaj jak abarona adzinych rubiažoŭ Sajuznaj dziaržavy. Siońnia ŭsio bolš takaja praktyka padtrymlivajecca i realizoŭvajecca», — skazaŭ Mieziencaŭ.
Jon śćviardžaje, što «nikoli i nikomu z terytoryi Rasii i Biełarusi nie hučali nijakija pahrozy». «Nikoli i nichto nie moža skazać, što Biełaruś i Rasija nie byli b adkrytyja da dyjałohu. Ale dziejnaść mižnarodnaj supolnaści pa-za praviłami mižnarodnaha prava nie moža być padtrymanaja [RF i Biełaruśsiu]», — adznačyŭ dziaržsakratar.
«My siońnia cudoŭna razumiejem, što niehatoŭnaść Zachadu da ŭzajemadziejańnia z Sajuznaj dziaržavaj na asnovie raŭnapraŭnaha dyjałohu zjaŭlajecca faktaram, jaki my abaviazanyja ŭličvać», — skazaŭ Mieziencaŭ.
24 lutaha 2022 hoda Rasija raspačała vajnu z Ukrainaj, ahresija adbyłasia z terytoryi Biełarusi. Łukašenkaŭskaja ŭłada padtrymlivaje Rasiju ŭ hetaj vajnie.