Čarhovy minski daŭhabud rekanstrujujuć
Razmova pra daŭhabud, što znachodzicca na vulicy Alibiehava ŭ Maskoŭskim rajonie stalicy. Bolš za 10 hadoŭ tamu pryvatny zabudoŭščyk pačaŭ uźviadzieńnie administracyjnaha budynka. Ale dalej čaćviortaha paviercha sprava nie pajšła.
Fota: Onliner.by
Abjekt kanfiskavali. Jaho budzie dabudoŭvać UKB «Zachad», — raskazaŭ «Minsk-Navinam» namieśnik kiraŭnika administracyi Maskoŭskaha rajona Uładzimir Tankievič.
Zamiest administracyjnaha budynka tam źjavicca internat. Znosić najaŭnyja pavierchi nie buduć, paśla ich abśledavańnia pryniata rašeńnie nadbudavać jašče try. U budynku buduć žyć maładyja nastaŭniki i miedrabotniki.
«Uviesnu zavieršycca padrychtoŭka nieabchodnaj dakumientacyi, paśla čaho vyznačym i narmatyŭnyja terminy budaŭnictva. Imavierna, uvod abjekta budzie namiečany na kaniec 2024 — pačatak 2025 hoda», — raspavioŭ U. Tankievič.
Čytajcie taksama:
U Minsku stali raźbirać daŭhabud na Majakoŭskaha. Što tam źbirajucca ŭźvieści
Jak źmianiŭsia Minsk za apošnija 15 hadoŭ ŠMAT FOTA
U Minsku zahładzili apošnija ślady kinateatra «Sučaśnik». Tut budzie skvier