Žurnalisty znajšli mahčymaje tłumačeńnie pieramienaŭ z Maksimam Mirnym
Pavodle infarmacyi Tribuna.com, niekatory čas tamu ŭ siłavikoŭ uźnikli padatkovyja pytańni da baćki Maksima — Mikałaja Mirnaha, jaki kuryruje pracu niekalkich kampanij siamiejnaha biznesu: PUP «Mirny tenis», TAA «Mirny fitnes-centr», PUP «Mirny centr».
Jak piša vydańnie, Maksim Mirny žyvie ŭ ZŠA. U kancy kastryčnika 2023-ha jon prylacieŭ u Biełaruś, da taho pra jahonyja vizity ŭ krainu z momantu vybaraŭ 2020-ha nie paviedamlałasia.
U Minsku eks-tenisist pravioŭ treniroŭku dla dziaciej, ab čym zrabiŭ pasty ŭ Instagram z emodzi čyrvona-zialonaha ściaha.
Taksama Maksim zajaviŭ, što škaduje ab pazicyi, vykazanaj im paśla prezidenckich vybaraŭ 2020 hoda ŭ Biełarusi. Tady ŭ Instagram Maksima zjaviŭsia post z zaklikam spynić hvałt u Biełarusi.
Paźniej hety post byŭ vydaleny, što zaŭvažyli na pačatku 2021 hoda.
Z krasavika 2021-ha eks-tenisist uvachodzić u kamisiju spartoŭcaŭ pry alimpijskim kamitecie Łukašenki.
Čytajcie taksama:
Maksim Mirny apublikavaŭ pieršy z 2020 hoda post u instahramie. Dziela čaho jon spyniŭ maŭčańnie?